day031 再戰 Aachen... [完全失敗]"

再三考慮後，決定再戰邊境 Aachen。
為了攞料影藍天靚相，
開筆寫第一份我認為值得介紹的好地方的旅遊稿。
擇了日今日去，
不過.......成件事真係錯到離哂譜.....

Aachen, in total cloudiness.

......and me too........ 

and it rains.....the whole afternoon.

與 fountain 上的雀仔呆呆地對望。

其實原本打算上星期六去的，但天氣報告話，
上星期六有 30% 機會 sunny，
而星期一有 50% 機會 sunny，
咁理應揀今日丫。
但最後是 = 0% sunny =__=
仲要落足全日大雨添。

隨處可見的怪鷹。

點都好，既然到了就要充滿期盼地遊覽。
話哂是個 spa city，
今次當然要到訪上次無去的 spa 地方，例如主要的 fountain，但係去到
佢裝修緊呀～呀～呀～～ 


算啦。無被打沉，
立即轉戰我最鍾意的 Drielandenpunt！

Drielandenpunt (take2)

半山靚屋區。

搭巴士去到那最西小鎮，由於已在地平線上的高位，實在凍。雨粉也來贈興。

今次聰明一點不徒步上山了，
等巴士，但半小時未見車......
再三詢問下，終於有巴士司機知道，
原來唯一上山的 linie 149，只有星期六、日才開！
吼～～～

OK。
來到這一步，洗濕左個頭，
唔係留喺山腳底唔上山咁有謂呀？於是再次用一小時在風雨中上山。

路程上，見到有一蚊銀大小的藍天！
心想：「正所謂 "皇天不負有心人"，
個天見我咁有心，點都有半秒好天掛？」

標誌性的三國國旗。

少自大了，天才理我！舊烏雲仲厚過我頭頂那舊久未修剪的頭髮！
雨愈落愈大，此時終於到山頂。
最灰的是，星期一那山頂瞭望塔是沒有開的。
...............................
.....................
.....。

大機終於出動，但凍得手指僵硬，按快門都有點困難 (絕無誇張)。 
不過這張相是細機影的，hahaha

記得有位旅遊記者說過：
「若一直沒有藍天，
不管你留多少天，那份旅遊稿都不會好出個甚麼花樣。」

在風雨和呆滯中，決定完結此項旅程。
為此，白花了 27euro 及 4 小時火車時間。

之後一有機會，
我是會再踏足 Aachen 的，
直至影到藍天靚相寫好這份稿為止。

－＊－＊－＊－

唯有拍下這地方的大街小巷。 

Auf Wiedersehen, Aachen!