day047 RESTART：工作mode

my working place.
每日和一塊玻璃之隔的路人你眼望我眼。

左邊 30 款 jogurt toppings～
有新鮮生果、朱古力醬、十款朱古力，
一路切一路食....好似肥左 :P
pistazien sauce 那種綠色汁堅好味。

右邊 30 款 bubble tea bobas & jellys～
這裡的 bubble tea 比香港的珍珠奶茶
更多花臣。
賣點是咬落去會爆汁的 bobas，
味道 ok 啦，可以試下的。

或者我真是有那種「特長工時命」的人。
10:00 - 20:30 的工時，在這裡算是 ok 長了，這樣的工都俾我搵到.......

每朝八點起身返工然後夜晚九點幾回家簡單吃點甚麼，
旋即進入無意識狀態然後在等待電腦超慢 load 時睡著.......
這種香港的打工仔生活竟然延續到德國了 !??

不過旅費是要努力賺的，事關我的目標是一年後返香港來個 breakeven，多理想。
而現階段仍是入不敷支...

沖製 bubble tea 機。出單後嘟一嘟再加工，簡單到呢。

沖飲品這種手板眼見功夫，一兩日就可以上手了。比這更更更難的，
是和德國同事打好關係。

開工很多時是 in pairs 的。
partners 都是在讀書的德國女仔。
兩個人一起時還好，
在無選擇的情況下，焗住同我傾偈，
這時就會傾得好哋哋，有講有笑。
但多個人時佢地就會圍埋講德文，
我就好難加把口了。

這個很搞笑，叫 jogurt burger，
就是把包開半，加 jogurt，落生果或朱古力或果醬，
夾埋去焗熱，古古怪怪，
但睇落幾好味！暫時只見一位客人 order 它。

在理解工作的事情上，
也要用 120% 心機去聽，
有時一知半解，都幾擔心會做錯野，問得多又煩，又學得慢左，搞到我好似好蠢咁。

最難的是沖杯好咖啡！
打的奶永遠 'nicht genug schaum' (not enough foam)。

重新開動工作mode，

就覺得同事都幾 hea。

聽著她們吹水唔抹咀，有客進來都不打招呼，

真想鬧人～ ROAAARRRRR～

比著在香港，我已經會好不客氣地當面說：

「呀唔知你地做野定講野呢？」
但由於我在這裡失主場之利，
又不會用德文串人，
所以唯有一邊抹玻璃，
一邊以自說自話的形式說：
「Hi there, are you girls talking or are you girls working?」

我決定疊埋心水做好呢份工，
老細話如果做得好 ( "if we like you" )，會考慮加人工。
我信呀！
所以努力，
我對我的工作態度和 chok 出來的親切笑容有信心。
haha :D

隔離樓梯直上就是兩層賣貴野潮衫的，同一個老細。
有一次突然被召喚上去，原來是試穿 XS size 毛毛褸俾個客睇，好笑。