day072 再再加多份工：hotpot!

Okay。我認命。
短期內我想是脫離不了有中國人的工作地方喇。
事關我仍未能用全德文溝通，
而且又揀擇唔肯做 full-time..........
斷鐘計的 part-time，最易搵的就是中餐館了。
就是大部份 WH 都做過的中餐館。
就是 one of my last choices 中餐館。

新工作地點：離家 30min 新開張火鍋店 @ Heimeranplatz。

碰巧眼尾瞥見 fb group 一段時間前的 post 浮上面：「火鍋店請人」
二話不說就聯絡了。
生計幫補得就補喇大佬～～
(你無數錯，我家陣身兼三職 )

然後今日回覆，
下午見工，
一分鐘後試工！
Wow *0*

德國的中餐館好興食 buffet，亦可以叫餸。
呢間舖叻啲加埋火鍋。
14.90euro 算好抵喇！(而且好香～)

本身是應徵水吧的，
不過今晚很旺場，就做簡單的樓面工作，
執下碟、傳下菜、親切笑下.....嗰種。
生意唔錯喎。

其實我一直幾想試樓面的。
個半鐘的試工 (咁都俾返 10.50euro 我)，
就在這間話大唔大的店來來回回不停走動。最簡單的工作也有它的技巧，我擰住幾隻碟都手震震的時候，見到老手左右手各一盆 full 加手臂肌都要托隻碟，真心敬佩 *v*
我都努力先～表演雜技。遲下轉住隻碟返廚房。

好，下星期開始，
五、六、日夜晚六至十一，火鍋店見了。
有工開。Great! :D

btw,, 我好似第一次著旗袍 """
唔... 是叫小鳳仙裝吧....??
好在是黑色的樸實版。無相無相......