day087 「爆」竹多聲除舊歲

BANG!  BANG! BANG!
Fireworks countdown at Marienplatz! 

每年踏入十二月中，
總會很後知後覺地喊出一句：
「哇又一年喇咩事 !??」

除夕的晚上，有咩好做丫～
今年也如上年和上上年一樣，
邊說著好多人邊死要湊熱鬧去最旺的地方倒數。

稍為不同的是，
今年倒數的數字由「三、二、一」
變成了「Three, Two, One」和「Drei, Zwei, Ein」。

Backdrop 換了歐洲式建築物，

路面會突然爆出煙花。

2012 年的最後幾刻、2013 年的最初一小時，
我在慕尼黑最中心地帶 Marienplatz，
在彷彿不會有停頓的煙花「嘭嘭嘭」聲中，
與德國及不知甚麼國的人，癲癲地度過 >0<
外國人玩樂時的豁出去，
確實係幾好笑～～ 氣氛一流 : p

在馬路中心無端端爆花～路人已習慣被嚇，好鎮定。

有啲人都傻傻地嘅，
亂咁放煙花，仲專登丟向人地腳下爆！
然後睇住人地彈彈吓.....

有人夠膽死在 Bahn 站裡面丟炮！
街上都是放緊和放完的煙花，及飲緊和飲完的啤酒樽；

我們的彈藥。

隔十幾分鐘就有十字車的 bebubebu 聲由遠至近、近至遠衝來衝去。
天空煙霧彌漫、煙火四爆，要忙著擲炮同時避彈....
我地以為自己身處戰場。
幾混亂喎，不過幾刺激 hahaha...

睇煙花，其實何時何地的都差不多，
爆唔出咩花樣。
自己放煙花，好玩好多啦！
久不久會失敗，爆啲古怪野出來～

慕尼黑的香港 WH 之友，
一個帶一個，不知怎麼最後聚了十幾個 : P

麻煩佢地影相，最後自己走入鏡的，旁邊的外國倒數男女。

怎麼這個時候會有架載客單車呢？
怎麼路面正中心會有那麼多東西在爆呢？
前面都無路你要踩去邊呢？

燒炮燒了成粒鐘，原來有咁多款炮嘅～大開眼界～～

Glückliches neues Jahr! : D