day108 一日，冰上走來兩隻蠢雀.....

噢俾人發現左添...

一個大雪過後的黃昏，

我漫無目的地遠望結了冰的湖面，

正在思量著那層冰可以有多厚的時候，
發現了冰上有幾行像戳印戳出來似的整齊小腳印。(很可愛 *v*)

當我正在搜尋著腳印的主人時，
兩隻呆呆的鳥先後從水中走了上來，一白一黑。
白雀口咬著美食；黑雀鬼祟但又明顯地隨後跟蹤..........

= 故事開始 =

白：「yoohoooo ～啲魚凍鬼死哂，mark 大口就有野食喇！」

黑：「哇～前面好大條水魚喎～唔係...水鳥喎....唔去搶佢食物有違「黑色必做壞人」嘅傳統！」
白：「成個湖面一眼睇哂，你唔係覺得我會唔知你喺後面丫嘛？」

白：「好煩呀呢條友.....Yeah 前面有個黑點呀！要行快兩步入去先得，衝呀呀呀呀～～～」
黑：「Scheiße！(德國雀講德文粗口) 一定要喺佢入到黑點之前追上佢至得掂！」

黑：「哼！算你好彩，對腳長我少少行快兩步，有種就咪鬼行開個黑點啦笨！」
白：「阿老公呢排老花嚴重左，話我太白淨，要企喺黑色嘅地方先見到我喎～呀，佢飛緊泥救我喇～～」

黑：「......唔夠打，嚼草先～」
白 (在空中)：「係喎，唔記得我識飛ga添.....」

= 故事講完 =

很樂意見到德國有那麼多小動物出沒，

飛的、游的、走的，

為牠們配一些自己也受不了的無謂對話。
然後就像個變態阿叔望著妹妹仔那樣，
望著牠們獨自在竊笑。

動物咁得閒，
說不定牠們也為人類編了很多好故事呢。