day144 德國食野抵得過香港！:P

德國的生果，我會列入為「較貴」類別，
而且選擇比香港少很多，來來去去基本的橙和蘋果，加點柑子。
至於奶類食品和部份蔬菜，則是「超平」類別的中堅份子。

慕尼黑賣的啤梨
全都是這種長形啡綠色的品種。
味道和香港常見較圓較綠的啤梨差不多。

德國的食物貴嗎？
唔..... 看你是說出街吃，抑或是買回家煮的食物了。
若要把慕尼黑和香港比較，
出街去餐廳呀、cafe 呀那樣的食肆.......
嘥氣！怎可能平得過香港這個出名抵食的幸福國度！

以一間正正常常的餐廳和 cafe 為例：
普通一杯飲品如咖啡 / 啤酒 / 果汁，約是 3euro；
正餐一個扒 / 粉 / 沙律之類的，約需 8-15euro。
一餐普通野 (主菜 + 飲品) 大概 14euro 埋單。

德國菜、意大利菜、越南菜、中國菜.... 係就係有，
吃完後覺得「味道差一點喎」，其實就是普遍餐廳的 average 了。食肆不多，住久了的人都慘叫無野食""
其實我也在懷疑德國是否全歐洲最無好野食的地方........

之不過！
由超市買食材回家自煮就抵好~~~~~~~ 多喇！
而且分分鐘好味過出街食 ;P
用我每天吃進肚子的食物做例子吧，
來看可以便宜到哪個程度：

這個「只要有時間誰都做得出來」的簡易營養早餐，你猜要幾多錢？
我可有認真計啊～ 0.7euro 也可能不需要。
這個價錢出街吃的話頂多只能吃到粒提子乾吧 !??

每早迎接新一天的是個健康早餐～～
1.5% fat 鮮奶最平 0.54euro 一支，平到起初懷疑有一半是否水來的 ；
奶混乾果穀物來吃，正！一大袋 1euro 多一點咋。
唔夠喉～～
加多件芝士火腿多士，全部材料加埋 4euro 已夠吃一整個禮拜。
炒多隻蛋 (2euro 半打)，食埋份番茄奄列，
最後嘆杯 hea 沖 Cappuccino，
早餐無憾 *v*
(哇你會唔會一朝早個肚負荷太重呢 ???)

是日時薪 10euro 煮飯工製成品 : 茄蛋炒牛洋蔥西炒飯
這碟慳慳地可吃兩餐的飯，全部食材你又估吓要幾多 ?
( 開估 : 未必需 1euro 吧~~ 給牛肉拉高了 curve 呢.... ) 

最緊要係食物平得來有得揀 (多到唔識揀) ，平得有質素。讚呀 : D
晚餐一包意粉加個菜都係幾歐，
肉算貴一點，~3euro 一塊扒類肉。
德國人一向是豬的敵人，肉架上佔過半的都是豬肉，
牛肉甚少，雞肉火雞肉要找一回才會見到。
不吃豬肉的朋友選擇會少好多，尤其出街食。
強烈建議在家煮，所以 WH-ers 回港後最大的得著是廚藝猛進！
由此可見，揀屋重點中的重點，
就是有廚房，幾細都好，都要有爐頭廚具啊。