day133 一試難忘的莫札特朱古力

波波形的莫札特朱古力在火車的枱上滾來滾去扮可愛...

終於有幸吃了傳說中的莫札特朱古力。
哇 ! 果然如傳聞中一樣 !!!
好難食呀~~~~ +__+"" 咳咳咳......

觀察人吃這粒朱古力其實幾富娛樂性 ; P
表情轉變程序大致如下 :
高興地接過一粒後，
拆開包裝紙上「無厘啦謂」出現的莫札特，
輕咬一口，無問題丫，
朱古力外層滿正常的，
再咬深一層......
唔""" 打一個突後，眼神開始變異，
懷疑的視線緩慢地掃向給朱古力的我.......
皺一下眉、眼望內餡，
咀嚼速度每況愈慢....
基於禮貌只能輕吐出一句 :
「哇搞咩裡面咩來呀??」
然後我就會開心地大笑，真夠變態。

中間淡綠色的開心果蓉口感味道夠經典呀~~"

莫札特朱古力 (Mozartkugel)
出產自莫札特出生地 Salzburg。
就如很多其他無關係的雜貨一樣，撻了莫札特的朵就成為熱門手信了。

裡面一層層，類似金莎的結構，
餡是甜甜膩膩、黏黏稠稠的開心果蓉，
還有一些杏仁牛奶之類的東東，
用朱古力包裹著，加層朱古力殼。
好聽一點可以話 :
「口感有層次，味道豐富得來融合。」
篩去修飾後的老實話 :
「都唔知咩 crossover，個開心果蓉口感想點呢 ? 除了 "怪" 唔知可以點形容。」
因應不同牌子出品，餡料略有分別，
但基本結構已無得救。


朱古力與莫札特本人一樣 "非一般"。

食過的朋友，十個有九個大呼難食，
剩低一個較有口德的，話「比較唔太好食囉」。
拿，我個人把口就幾好嘅，
意見是 : 「如果你真係無野食得好交關，試一粒都無妨。」

不過我又無需要踩到人地咁盡.....
所以我最後要包一包底 :
「其實就無我講得咁恐怖，
誇張左少少啫 (不過都係講事實啫)，
來德國，值得一試 !
見到就買啦 !
強烈建議買單粒裝試下先，
咪買一 pack 咁衝動呀 !
咪話我冇提你呀下。」